Ал- Каіда ся приголосила ку децембровому утоку на флорідьскій закладни
00
![](https://www.rusyn.fm/wp-content/uploads/2020/02/al-kaida.jpg)
Терорістічна сїть ал-Каіда ся приголосила ку децембровому утоку на воєньскій академії в америцькім штатї Флоріда, котрый собі выжадав три жертвы і вісем зраненых. Ознамила то в недїлю орґанізація SITE, котра моніторує актівіты джігадістів на інтернетї. ,, В приговорі, котрый переднїс єй лідер Касім Рімі, ся орґанізація ал-Каіда приголосила ку утоку на Наморній летецькій закладни Пенсакола з децембра 2019,” уводить ся у выголошіню SITE, з котрого цітовала аґентура AFP. Коло стїльбы зо 6. децембра загынули трёми америцькы вояци а далшых вісем людей было зраненых. Уточника, котрого ідентіфіковали як прислушника саудскоарабськых воздушных сил, шандарї на місцї застрїлили.
(Шутіова, TASR)
-
Назад / Nazad OSN позаставила роботу в центрї про утеченцїв, боїть ся утоків
-
Далше / Dalše Нїмецькы актівісты обсадили углёву електрарню, протест закончіла поліція