Австрія, Фіньско і Шведьско сі припоминають 30. юбілей вступу до Европской унії. Желаня вступити до ЕУ ся подля порталу станіцї Euronews появило в часї господарьского поклесу на переломі 80. і 90. років 20. стороча, кедь повне членство в Унії уможнёвало рівноцїнне запоїня до єй єднотного торгу. З історічного погляду але были Австрія, Шведьско і Фіньско протягом студеной войны офіціално невтралны а формално не належали ку Западу. Коротко по сколабованю совєтьского блоку але вшыткы три державы подали жадость о припоїня ся ку ЕУ. Країны офіціално вступили до ЕУ в рамках четвертого розшырїня 1. януара 1995, чім ся евроблок розроснув з 12 на 15 членьскых держав.

(TASR, Шутіова)