Австрія вчера продовжыла контролі на внутрішніх шенґеньскых границях з Мадярьском  і Словенійов  о дальшых шість місяців до 11-го мая будучого рока. Ознамив то австрійскый міністер внутра Ґергард Карнер, інформує о тім аґентура APA. Цільом даного кроку за його словами є бой проти нелеґалній міґрації. Як дале додав, же даныма опатрінями ся чісло особ поіманых на границях значно понижыло, причім ‟мафіа, котра переводить‟ ся меджічасом Австрії зачала сторонити. Австрія зо страху перед нелеґалнов міґраційов лем 22-го октобра продовжыла вынятковы контролі на шенґеньскій границі з Чеськов републиков і Словакійов, і то до 15-го апріля 2025-го року. (TASR, Pkf)