Австрія выразила свою підпору новому плану нїмецькой влады на сприснїня азіловой політікы. Говорця австрійского міністерства внутрїшнїх дїл у четверь увів, же Нїмецько сі зволило строгішый приступ подобно як Австрія, пише SR подля справы аґентуры DPA. ,,Бой проти обходованю з людьми а знеужываню азіловой сістемы є ефектівный лем дякуючі сполочній намазї,“ повів говорця. Нїмецькый конзерватівный блок CDU/CSU досяг в середу коалічный договор зо странов соціалных демократів (SPD). Договор обсягує і контроверзны превентівны крокы уможнюючі одмітнути жадателїв на гранічных переходох.

(TASR, Шутіова)