Фіньска влада запропоновала у четверь бывшу міністерку фінанцій Юту Урпілаіненову за кандідатку на пост европской комісарькы в будучій екзекутіві ЕУ, котра бы мала зачати урядовати 1. новембра того рока. Увела то тлачова аґентура ДПА. Бывша шефка Соціалнодемократічной страны Фіньска є од року 2003 посланкынёв фіньского парламенту. Міністерков фінанції была в рокох 2011 аж 2014. В роцї 2008 ся стала першов женов на челї фіньскых соціалных демократів а о три рокы пізнїше і першов міністерков фінанції в історії державы. Теперь є Урпілаіненова першов женьсков кандідатков Фіньска на члена Европской комісії.

(TASR, Шутіова)