В понедільок вечур, день перед другым локдавном Австрії, одбыла ся у Відню терорістічна атака. Єден із терорістів, котры атаку зробили, голосив ся ку Ісламскому штату і поліція го застрілила. Далшый быв затриманый, найменше єден далшый підозрілый з атакы втікать. Терорістічный чін одограв ся недалего сінаґоґы. Вечорне місто было повне людей, кедьже собі хотіли ужыти в кавярнях і рештавраціях остатній вечур перед запераньом країны. Натеперь были потверджены три жертвы на жывотах, далшы люди были зранены. Стріляня ся озывало нелем з близкости сінаґоґы на площі Шведенплац, але і з містного бару, де стрілы засягли облакы. Денник Kurier написав, же председа тамтешньой жыдівской общіны вылучів, же бы дішло ку жертвам спомеджі їх членів. Австрії вже выразили підпору і співчутя лідры держав і влад з цілого світа, припоїла ся і сусідьня Словакія, котра такой зачала контрольовати людей, якы вступують з Австрії на словацьку теріторію.

(Медвідь, TASR)