Европска унія в понедільок продовжыла свої санкції односно Северной Кореї за їй нуклеарьный проґрам. Інформовала о тім аґентура DPA. Рада ЕУ про загранічны діла в понедільок потвердила список особ і орґанізацій, котрым быв даный заказ подорожыти і заморозив ся їх маєток. Є на нім 57 особ і девять інштітуцій, котры беруть участь на нуклеарьнім або ракетовім проґрамі Северной Кореї. Унія окрім того апліковала резолуції Безпечностной рады Орґанізації зъєдиненых народів, котры санкціонують 80 особ і 75 інштітуцій. Санкції про Северну Корею суть найстрогішы, якы коли Унія дала на даяку державу.

(Медвідь, TASR)