Іспанія означіла в понедільок трьох болівійскых діпломатів за нежадучі особы. Інформовала о тім аґентура AFP. Мадрід ку тому приступив по тім, што болівійска дочасна презідентка Джіанін Анєзова оголосила, же їй країна выгостить амбасадорку Мексіка і двох іспаньскых діпломатів. Болівія обвинила членів персоналу іспаньской амабасады з пробы о інфілтрацію амбасады Мексіка в Ла Пазі ґрупов маскованых мужів, котры мали подля Болівії хотіти дістати бывшого радника болівійского експрезідента Ева Моралеса. Мадрід то дементовав.

(Медвідь, TASR)