Америцькый міністер заграничных справ Антони Блінкен одложыв свою навщіву на Близькім выході. Планував одлетіти вчера вечурь. Інформує о тім аґентура Reuters. Навщіву шефа америцькой діпломації одложыли про ‟неістоту позераючі на днешню сітуацію‟. Блінкен плановав навщівити Еґіпт, Ізраїль і Катар. На завтра 15-го авґуста є напланована стріча меджі Ізраїльом і Гамасом. Їднати будуть о фіналізації договору о примірї в Пасмі Ґазы і о пропущіню послідніх ізраїльскых заложників. Свою участь на їднанях уж потвердив Ізраїль. Гамас ю покы непотвердив і катарьскы представителі з ним о тім фурт їднають. (TASR, Pkf)