Сербскый Републіковый уряд про штатістіку публіковав на ты днях першы резултаты списованя жытелів, яке в Сербії проходило в осени минувшого року. З резултатів мож видіти, же Сербія вылюднює ся. Вшыткых жытелів Сербії было подля списованя у 2022-ім році 6 647 003. Іщі десять років тому то было 7 186 862 обывателів. Подобны чісла населіня як теперь мала Сербія в далекім 1945-ім році, коли офіціалны даны бісідують о 6 527 966 жытелях. Іщі у 1981-ім році мала Сербія понад 9-міліонове населіня. Чісло жытелів знижує ся од 1991-го року, значіть од часів войны, контінуално. Найвекшов народностнов меншынов суть Мадяры, Боснякы, Ромове, потім на слідують Албанці,  Українці, російска меншына і Русины. В списованю з 2022-го року ся ку Русинам приголосило 11 483 особ. Русинька комуніта контінуално зменшує ся уж десяткы років. В списованю з 2011-го року іщі раховала 14 246 особ. В порівнаню з минулорічныма резултатами так Русины стратили понад 19 процент населіня, 2 763 особ. (ЛЕМ.ФМ, Pkf)