Німецькы владны соціалны демократы в понедільок офіціално монімовали канцеларя Олафа Шолца за свого головного кандідата до передчасных волеб, котры одбудуть ся у фебруарі. Шолц тым здобыв шансу на здобытя другого функчного періоду наперек тому, же його коаліція ся теперь розпала, інформує Reuters. Рішіня пришло по тім, як популарный міністер обороны Борис Пісторіус одшмарив можливость властной кандідатуры, чім ся закінчіли тыждні шпекулацій о тім, жебы бы мав вести Соціалнодемократічну партію Німецька (SPD) до волеб намісто Шолца. Выконный комітет SPD єдномысельно голосовав за Шолца як кандідата на канцеларя, інформовали партійны джерела. Шолц є найменше облюбленым канцеларьом од соєдиненя Німецька в році 1990, і його партії проґнозы давають третє місце, за конзерватівцями з CDU-CSU і крайно правіцьовов AFD.

(Медвідь, TASR)