Росія продала Сербії модерну протилетадлову сістему Панцір-С1, што може мати за наслідок америцькы санкції односно Белеграду, написала в понедільок аґентура Associated Press. Сербскый презідент Александар Вучіч в неділю повів, же Сербія о накупліню сістемы вырішыла по тім, што їй то запропоновав російкый презідент Владимір Путін. Наперек тому, же Сербія намагать ся о членство в Европскій унії, Белеград під веджіньом Вучіча укріплять свої політічны і воєньскы односины з Російов. Сербія ся завязала, же не стане членом НАТО і не припоїла ся ку санкціям, котры на Росію дала Унія про їй політіку на Україні.

(Медвідь, TASR)