Російскый презідент Володимир Путїн у четверь навщівив выцвіковый центер про мобілізованых російскых вояків. Шеф Кремля сі спробовав стрїляти на стрїлніцї а стрїтив ся з велителями, котрым зажелав ,,велё щастя”. TASR справу перевзяла з аґентуры AFP. Путїн навщівив выцвіковый центер в Рязаньскій области, котра лежить юговыходно од Москвы. Російска штатна телевізія одвысылала заберы, котры захоплюють російского презідента, як облеченый в чорнім а з безпечностныма окулярами на очах дакількораз выстрїлив з новой російской пушкы про острілёвачів Драґунов СВД а стискав вояків. Путїн подля російскых медій ,,слїдовав практічне цвічіня” враховано нацвіку пальбы і здравотницкого ці женістічного выцвіку. Шефа Кремля на навщіві спроваджав і російскый міністер обраны Серґей Шойґу.

(TASR, Шутіова)