Посланці долной коморы італійского парламенту одобрили вчера в третім читаню пониженя чісла єй членів із 630 на 400. Чісло членів горной коморы, Сенату, ся понижыть з 315 на 200, інформувала о тім аґентура ANSA. Посланці одобрили пониженя чісла членів обідвох комор з 945 на 600, причім 553 посланців было за, 14 высловило ся против і двоє ся стримали голосуваня. Кедь же ішло о уставный закон, на його одобріня было потрібных 316 посланців. (TASR, Pkf)