Поландія хоче высше чісло америцькых вояків на своїй території
00
Америцькый презідент Доналд Трамп ознамив, же зважує о высланю дальшых 2000 вояків до Поландії. Інформувала о тім аґентура AFP. Трамп в Білім домі в часі стрічі з польскым презідентом Андржейом Дудом повів, же дальшы америцькы часті бы ся пересунули до Поландії з Німецька. Підчеркнув шак, же дискусія о данім вопросі не є іщі заперта. Трамп єдночасно увів, же Поландія собі заказала од США вецей як 30 бомбардерів тіпу F-35. Аґентура AP перед пару днями позначіла, же Поландія, котра мать страх з російскых воєньскых актівіт, пересаджує звышіня і тырвалу притомність америцькых вояків на своїй території. За інформаціями аґентуры AFP є в Поландії коло 5000 америцькых вояків. (TASR, Pkf)
-
Назад / Nazad Автобус зо словацькым евіденчным чіслом в Мадярьску гаварував
-
Далше / Dalše Помпео обвинив з утоків на танкеры в Оманскім заливі Іран