Ґрецькы уряды мають індіції, же лїснї пожары при Атенах, при котрых загынуло выше 80 людей, были заложены замірно. Увів то у четверь вечур міністер про верейный порядок і охрану жытелїв Нікос Тоскас.. Аналіза сателітных заберів і контролы в теренї назначують, же пожары суть выслїдком подпалячства. Міністер одмітнув подати близшы детайлы, жебы не стяжити вышетрёваня але додав, же заты ниякого подозривого не затримали. Меджітым надале продовжує патраня по жертвах і незвестных на морю і на суші, котрых є надале дакілько десяток. З цїлём обяснити ідентіту жертв зачали реалізовати тесты DNA. Ґрецькый штатный розглас у четверь інформовав, же меджі мервыма суть і хлоп з Ірландії і єден Белґічан. Лем три днї по пожару засягли Атены наглы заплавы, котры з єдного боку помогли загасити пожар, а з другого боку способили заплавы.
(TASR)