Председа мадярьской влады Віктор Орбан у четверь перед двойднёвым самітом Европской унії в Бруселї выголосив, же є гордый на своє одношіня з російскым презідентом Володимиром Путїном. З одкликанём ся на аґентуру Reuters то увели многы мадярьскы медії, інформує справодайца TASR в Будапешту. Мадярьскый премєр ся минулый тыждень в Пекінґу стрїтив з презідентом Росії і наперек тому, же ЕУ ся позераючі на войну на Українї намагать што найвеце ізоловати од Москвы, пише Reuters. ,,Хочеме зробити вшытко про мір. Зато охабляме отворены комунікачны каналы з Русми, інакше бы сьме не мали ани лем шанцу на мір. Є то стратеґія, на котру сьме горды,“ підкреслив мадярьскый міністерьскый председа.

(TASR, Шутіова)