Америцькый презідент Доналд Трамп є згодный з тым, абы ся одрочіла олімпіяда в Токію на будучій рік. Підпору высловив і в телефонічній бісіді з японскым председом влады Шінзом Абем. Інформувала о тім аґентура DPA. Меджінародный оліпмпійскый выбор вчера выслухав голос шпортовців і народных выборів і одрочів олімпійскы гры на будучій рік. В днешній бісіді ся америцькый презідент зыйшов з поглядом з Абем в тім, же будучорічны гры будуть ославов перемогы людей над новым коронавірусом. Захворіня  COVID-19 ся уж розшырило скоро до цалого світа, реґіструють го в 194 країнах, наінфіковало ся вецей як 423-тісяч людей і скоро 19.000 вмерло. (TASR, Pkf)