Урадуючій презідент Нікос Анастасіадіс здобыв в неділю найбівше голосів в першім колі в презідентскых вольбах на Ціпрі, котры шак будуть продовжувати другым колом, котре ся одбуде 4. фебруара, кідже жадного з кандідатів непідпорила надполовічна векшына воличів. На основі опублікованых выслідків першого кола отримав фаворізований Анастасіадіс 35,5 процента одовзданых голосів, покы Ставрос Малас, незалежній кандидат с підпоров комуністів здобыв 30,25 процентів голосів. Третім в ряді скінчив сын бывалого ціперского презідента Ніколас Пападопулос, лідер стредоправіцовой партії ДІКО с 25,74 процентамі одовзданых голосів.
(ТАSR)

Фото: TASR/AP