Міністер заграничных справ і европскых діл СР Мірослав Влаховскый днесь вєдно з резортныма колеґами з Чеськой републикы Яном Ліпавскым і Австрії Александром Схалленберґом в Северній Мацедонії діскутують о ставі приступового процесу країны до Европской унії (ЕУ) . Робоча стріча трьох міністрів  одбывать ся з мандатом підпредседу Европской комісії і высокого представителя Европской унії про заграничны діла  і безпечностну політику Йосефа Борелла. Як увів резорт діпломації СР, же єй цільом є нелем продіскутовати  став приступового процесу Северной Мацедонії до ЕУ, але  і повзбудити його лідрів к дальшым евроінтеґрачным кроком. Споминаны міністры з країн тзв. Славковского формату  (S3) в Скопії діскутують з тамтешнім міністром заграничных справ Буяром Османім і найвысшыма представителями Северной Мацедонії вєдно презідента Стева Пендаровскего. (TASR, Pkf)