Рокованя о зоставлїню новой влады будуть подля чеського презідента Мілоша Земана проходити два аж три місяцї. Презідтент при тім передпокладує, же Андрій Бабіш зоставить меншіновый кабінет, котрый будуть толеровати дакотры політічны партії. Земан ся так выядрив вчера вечур в релації Týden s prezidentem на ТВ Барандов. Земан тыж повів, же Андрій Бабіш, котрого планує меновати премєром 6. децембра, бы мав зоставити владу одборників. Кібы єм зістив, же дакотрый з міністрів не має з резортом ніч сполочне, істо бы єм то Бабішові вытыкав, додав чеськый презідент.
(Зденка Цітрякова)