Французькый презідент Емануел Макрон в понедільок стрітив ся із своїм російскым колеґом Владиміром Путіном і выголосив, же по зволіню україньского презідента Володиміра Зеленьского існує реална шанса про мір на Україні. Єндако выразив надію, же в слідуючіх дакілько тыжднях буде участный на саміті з лідрами Україны, Росії і Німецька з цільом закінчіти бої на выході Україны. Путін подля аґентуры AFP выразив осторожный оптімізм. Голова Франції апеловала на зближованя меджі Російов і Европов, но з тым, же навернутя Росії до ґрупы G8, як і повна нормалізація односин із Европсков унійов будуть можливы лем по вырішіню україньского вопросу. Членство в G8 было Росії позаставлене по анексії Криму. Путін назначів, же Росія бы мала інтерес вернути ся до ґрупы найрозвитішых економік світа.

(Медвідь, TASR)