Мадярьскый парламент іщі все не має на проґрамі схваліня приступовых протоколів Фінландії і Швеції до Североатлантічной аліанції. Подля сервера Index.hu на то звернув увагу председа Мадярьской соціалістічной партії Берталан Товт. Сервер підкреслює, же спосеред 30-ох членьскых держав є треба уж лем згоду Мадярьска і Турції. Председа соціалістів у понедільок офіціално пропоновав, жебы то парламент проїднав, но депутаты владного блоку Fidesz-KDNP пропозіцію не підпорили. Про Товта то є незрозуміле, бо тоты дві країны уж давно суть партнерами НАТО і вступ Фінландії і Швеції за його словами укріпить сполочну безпечность, а то і на благо мадярьскых гражданів. Соціалісты очекують, же мадярьска влада підпорить тоты намагы, повів лівіцьовый політік.

(Медвідь, TASR)