Шеф мадярьской діпломації Петер Сійярто в понедільок выголосив, же загранічна політіка Мадярьска зістане і далше мадярьсков і сувереннов, наперек загранічному тиску. Подля аґентуры МTI то Сійярто повів на шторічній стрічі мадярьскых діпломатів. Подля міністра загранічных діл европскый контінент того часу має перед собов найважнішы економічны і безпечностны вызвы. Найважнішов задачов мадярьской влады є зато ґарантовати безпечность країны і заховати економічный рост. Далше повів, же тиск на Мадярьско буде вынятково великый в припаді войны на Україні, але і у вопросах загранічных інвестіцій в Мадярьску. Єдинов крітерійов мадярьской загранічной політікы подля Сійярто зістане народный інтерес.

(Медвідь, TASR)