Мадярьско в понедільок оголосило, же є твердо проти санкцій Европской унії, запровадженым односно російского ядрового промыслу. Інформує о тім аґентура AFP. Мадярьскый міністер загранічных діл Петер Сіярто санкції на інвестіції в области ядрового промыслу означів за „червену чару“ про Мадярьско і за „порушіня европскых приписів“. Сіярто на ґенералній конференції Меджінародной аґентуры про атомову енерґію, котра зачала в понедільок у Відню повів, же Будапешть бы ниґда не підпорила жадны санкції, котры бы огрозили безпечность мадярьскых додавок енерґій. Мадярьско, котре має зачати з будованьом двох новых ядровых реакторів у співпраці з Російов, подля міністра бере за атакы односно свойой сувереніты вшыткы крокы, котры боронять будованю ядровых електрарень на своїй теріторії.

(Медвідь, TASR)