Мадярьска влада і далше не є згодна з фінанцованьом додавок зброї на Україну Европсков унійов. Буде в тім продовжати, покля україньскы уряды не заґарантують, же із списку меджінародных спонзорів войны не буде вычеркнута мадярьска фірма, котру там дали на основі выконштруованых обвинінь, повів у понедільок в Бруселі шеф мадярьской діпломації Петер Сійярто. Міністер в перерві засіданя Рады Европской унії про загранічны діла повів, же є величезный тиск на Мадярьско, жебы было согласне із сумов далшых 500 міліонів евр з европского мірного рамку на додавкы зброї на Україну. Сійярто вызвав міністрів, жебы не кламали людей, бо не іде о підпору Україны, але о то, же членьскы державы, котры добровольно вырішыли додати зброю Україні, дістануть часть грошей за тоту зброю назад. Україна подля мадярьского міністра не є приготовлена ани на вступ до Европской унії.

(Медвідь, TASR)