Заплавы, котры в понеділок постигли североіталійскы Бенаткы, запричінили розсяглы шкоды в тамтешній Базілікі святого Марка. Часті старобілого храму были заплавены аж 16 годин, причім вода сягала аж до вышкы 90 центиметрів. Інтензівны доджі супроводжены сильным вітром, котры в понеділок і вівторок постигли велику часть Італії, собі выжадали уж найменше 11 мертвых. Многы зо жертв вмерли, кідь на них впали вывернуты дерева. За інформаціями пресовой аґентуры ТАSR до одпратаваня затарасеных доріг было цілково насадженых 6000 пожарників.
(TASR)