Росія із свойов войнов на Україні не буде мати жадного успіху, выголосив в ночі на віторок у відеопосолстві україньскый презідент Володимір Зеленьскый. Інформацію принесла аґентура DPA. За два місяці подля презідента російскы силы схосновали проти Україны веце як 1100 ракет, множество бомб і артілерію, дакотры україньскы міста і села были цалком зничены, но нич не досягли, а ани не досягнуть. За словами Зеленьского російскы войска не дочекали ся „ани одробинкы“ підпоры, з котров так барз раховали. Підкреслив, же в містах, котры были обсаджены Росіянами, ся люди озброєным силам Росії не кланяють.

(Медвідь, TASR)