Мадярьско перевзяло в середу скоро 250.000 давок вакціны Corminaty од конзорції Pfizer/BioNTech, котров ся проти новому коронавірусу зачне очковати уж днесь. Інформовала о тім аґентура MTI. Засылка є скоро о 50 процент векша як тота, котру уведжена компанія додала послїднїй марцёвый тыждень. Іде уж о 16. засылку, причім цїлкова кількость давок вакціны Corminaty доданых Мадярьску ся ближить ку 1,7 міліонам. Окрем той очковачой латкы аплікують в Мадярьску іщі далшы штири сорты вакцін враховано кітайской і російской.

(TASR, Шутіова)