Патрить меджі найвекшы особности нелен індіцькой, але і світовой історії 20-го стороча – кедь британьска телевізія і розгласова компанія BBC зорґанізувала в 1999-ім року голосуваня о тім, хто быв найвызнамнішов женов минулого стороча. Люде собі выбрали на перше місце премєркку Індіру Ґандгіову, котра перебігнула і кральовну Алжбету ІІ і матку Терезу. Днесь минуло 35 років од часу, кедь двоє сікгскы сепаратисты – членове єй охранкы – застрілили тоту особность, котра выразным способом переговорила до осуду свойой країны і котру  называють і Матка Індії. (TASR, Pkf)