Данія знову аплікує повинність преуказати ся тзв. kовідпасом
00
Данія нецілы два місяці по зрушіню вшыткых протипанедемічных одмеджінь знову аплікує повинність преуказати ся тзв. kовідпасом, а то з причіны прудкого наросту чісла сітуацій інфікації коронавірусом. Ознамила то в понеділок данска премєрка Метте Фредеріксенова, інформувала аґентура AFP. Діґіталным ковідпасом ся так будуть мусіти люди преуказати при вступі до бару, рештаврацій і ночных клубів і буде повинный про особы у віці 15 і веце років. Як припомянула аґентура Reuters, денный прибыток чісла інфікованых коронавірусом в Данії в послідніх дньох фурт ся звышує – зо скоро 200 в половині септебра на веце як 2000. Днесь є в країні з 5,8 міліона обывателів цалком заочкованых 85,9 процента вшыткых людей старшых як 12 років, пише AFP. (TASR, Pkf)
-
Назад / Nazad Презіден Польщі Андрзей Дуда на навщіві Словакії
-
Далше / Dalše Вісемнадцятьчленный новый чеськый кабінет бы мав вести лідер ODS Петер Фіала