Лідры зо 47 країн днесь в іспаньскій Ґранаді на самміті Европского політичного сполоченства (EPC) їднають о зліпшіню сполупраці, напятї меджі Сербійов і Косовом і о енерґетічній безпечности. Інформувала о тім аґентура DPA. Діскутовали тыж і о напятї меджі Арменійов і Азербайджаном. Дальшы темы, котрыма ся лідры будуть занимати суть вплив умелой інтеліґенції, енерґетічна безпечность і переход на обновительны джерела енерґії. На самміт EPC прийшов і україньскый презідент Володимир Зеленьскый. В пятницю ся в Ґранаді одбуде і неформалный самміт Европской унії (ЕУ).  Лідры двадцятьседмічкы на нім  будуть діскутовати о безпечности, обороні, міґрації і розшырюваню ЕУ. Словакію на обідвох саммітох репрезентує премєрь Людовіт Одор. Іспанія од 1-го юла до 31-го децембра того року председать Раді ЕУ. (TASR, Pkf)