В Хорватії зачали ся парламентны вольбы
![](https://www.rusyn.fm/wp-content/uploads/2018/02/t_Croatia_Serbia343266498214.jpg)
В Хорватії отворили днесь рано волебны містьтности. Коло 3,73 міліона воличів мать право собі выберати цілково 151 посланців до народного парламенту. Інформують о тім аґентуры AP і DPA. Передволебну кампанію позначіло остре суперіня меджі презідентом Зораном Мілановічом і премєром Андрейом Пленковічом. Хорватьскый презідент місяць перед вольбами неочековано ознамив, же ся буде уходити о місце премєра. Засягли шак судцьове уставного суду, подля котрых бы быв тот крок протиуставный. Увели, же презідент неможе кандідовати на місце председы влады, брати участь на парламентных вольбах ани вести кампанію в хосен ниякой партії, покы перед тым неабдікує. Мілановіч то одмітнув, одверто іґноровав суд і продовжував в кампанії в хосен лівіцовой аліянції. (TASR, Pkf)
-
Назад / Nazad Зеленьскый: Україна немать таку оборону, абы знічіла атак на Чернігів
-
Далше / Dalše Штрайк в Ґреції: Позаставили влаковый і лодный транспорт