Суд северомадярьского міста Тата одсудив трьох обывателів Словакії, котры в минулім року в новембрі транспортували через теріторію Мадярьска до Австрії десятьох нелеґалных міґрантів, інформував о тім справодайскый сервер origo.hu. Єден муж і єдна жена достали тройрочный трест однятя слободы і шістьрочный заказ вступу на теріторію Мадярьска. Другый муж, котрый забезпечував драгу перед автом з міґрантами, быв одсудженый на два рокы арешту і так само на шість років заказ вступу до країну. Превадзачів з міґрантами заставила і затримала патроля на далниці M1 при Тате рано 13-го новембра 2021. (TASR, Pkf)