Стовкы 15-річных учнів выйшли до уліць сербской метрополы Белеград і жадали о одступліня міністра школства Младена Шарчевіча. Причінов їх демонштрації быв факт, же проникли до публікы заданя цілоштатного тесту з математікы, котрый є частьов екзамену ключовой про дальшу освіту споминаных учнів, пише аґентура DPA. Тест з математікы є частьов цілкового тройчастьового екзамену, котрый мусять учні сербскых основных школ абсолвовати, абы ся могли достати на середні школы. Міністер Шарчевіч уж понукнув свою резіґнацію, котру шак сербскый презідент Александер Вучіч ани премьерка Ана Бырнабічова неприяла. (TASR, Пкф)