В Австрії ся днесь скінчив дваапівмісячный локдавн, котрый ся дотулять людей незаскіпеных протів коронавірусу SARS-CoV-2, інформувала аґентура APA. Незаскіпены обывателі Австрії ся од днешнього дня можуть релатівні знова незалежно рушати на верейности без того, абы їм загрожувала покута. Як але позначіла аґентура APA, приступ на многых місцях – з выїмков наприклад обходів з товаром денной спотребы – надале оставать обмедженый про людей, котры дали ся заскіпити або преконали захворіня COVID-19. Од початку фебруара вступує в Австрії до платности повинне заскіпіня протів ковіду. Од 12-го фебруара уж небуде потрібне преуказувати ся потведжіньом о заскіпіню або о переконаню захворіня в обходах і о тыждень пізніше уж ани в ґастрономії. (TASR, Pkf)