1-го септембра того року Стоваришыня Лемків в Польщі опубліковало свою позіцію до заявы Всеукраїньского товариства Лемківщина, котре не признало існованя лемківского языка. Членове Стоваришыня Лемків высловили свою незгоду з комуніке, котре было опубліковане на сайті товариства 14-го авґуста 2020-го року. В ній ся пише, же не існує лемківскый язык і Лемкы то часть україньского народа.  Дане комуніке є реакція на петіцію, котра была заслана презідентови Україны із пожаданьом признати лемківскый язык на державній уровни Україны. (ЛЕМ.фм, Пкф)