Велика векшына Німців є проти того, жебы председа Хрістіаньскодемократічной унії Армін Лашет пробовав зоставити владу наперек тому, же його партія в недільняйшых вольбах програла, кедь скінчіла аж за соціалныма демократами. Выходить то з резултатів репрезентатівной онлайн сондажи, котру подля аґентуры DPA зреалізовала в днях 26-го і 27-го септембра компанія Civey про денник Augsburger Allgemeine. За єднозначно або скоріше неправилну позіцію то бере 71 процент із 5031 респондентів, согласных є лем 22 процент звіданых. Односно Лашетовой стратеґії є незгода і внутрі партії хрістіаньскых демократів, кедьже ся ку темі неґатівно высловили і гесеньскый премєр за CDU ці председа молодежной орґанізації.

(Медвідь, TASR)