Европска комісіа (ЕК) одказала вчера Польщі і Мадярьску, же єдностранны крокы членьскых країн Европской унії (ЕУ) в області обходу  суть неприятельны. Говорця ЕК так реаґував на ознамліня Варшавы і Будапещі, котры в суботу заказали довоз зерна і дальшых потравин зо сусідньой Україны, абы так охранили  свій польногосподарьскый сектор. Інформує о тім аґентура Reuters. Україньскый вывоз зерна  є в напрямі через ЕУ до іншых країн, одколи довтогды традичны чорноморьскы вывозны трасы заблоковала російска  інвазія. Велике множество того зерна, котре є туніше як зерно доплекане в ЕУ, шак з причіны різных лоґістичных причін увязнуло в середньоевропскых країнах. Непродовжувало так до близьковыходных ці африцькых країн, про котры было актуалні призначене. Тота дійсність неґатівні овпливнила – понижыла ціны і одбіт містьтных польногосподарїв, што вело к їх протестом і в Польщі докінця і к резіґнації міністра польногосподарьства.  (TASR, Pkf)