Булґарії загрожують дальшы предчасны вольбы
![](https://www.rusyn.fm/wp-content/uploads/2018/09/hagiasofia.png)
Булґарію може очікують шесты парламентны вольбы за три рокы, віцепремєрька Марія Ґабріелова, повірена вытворіньом влады, то значіть вчера ознамила заставліня їднаня о новім кабінеті. Інформує о тім пресова аґентура DPA. Бывша еврокомісарка пояснила, же одмітать “фурт новы условія“, котры єй партії давають коалічны партнеры. З той прічіны тім повіреный вести переговоры єй прозападной стредоправой аліянції GERB-SDS скінчив переговоры о вытворіню влады з прореформным проевропскым зґрупованям PP–DB. Ґабріелова увела, же хоче стягнути свою номінацію на премєрьку, плановану на днесь в парламенті. О кабінеті, котрый так представила мінулый вівторок, ся так правдеподобно небуде голосувати. Булгарьскый презідент Румен Радев може іщі повірити вытворіньом влады дальшых двох політиків. Як неуспіють, одбудуть ся новы предчасны вольбы. (TASR, Pkf)
-
Назад / Nazad 23-го марца припомянули сьме собі Світовый день Русинів
-
Далше / Dalše Столтенберґ бісідовав з Орбаном