Андрзей Дуда підписав позмінену верзію закона, котрый вытворить выбор на досліджованя російского впливу
![](https://www.rusyn.fm/wp-content/uploads/2017/07/135670_213580416755c4755399b70_big.jpg)
Польскый презідент Андрзей Дуда в середу офіціалні підписав позмінену верзію закона, котрый вытворить выбор на досліджованя російского впливу. Інформують о тім аґентуры PAP a DPA. В оріґіналній верзії закона, котру окрім опозиції крітізувала і Европска унія і США, мав мати выбор право вылучіти з публічных функцій політиків, котры діяли під російскым впливом меджі роками 2007 і 2022. Подля вносеных пропозицій польского презідента може выбор конштатувати, же особа діяла під російскым впливом, і то значіть, же не є заруков рядного выкону повинностей выходжаючіх з публічной функції. Выбор тыж небуде мати можность досліджувати посланців ці обмежыти хоцькому выконавати публічну функцію. Управена верзія закона давать можность і одкликаня посередницьтвом суду у Варшаві. Долна палата польского парламенту (Сейм) одобрив презідентовы позмінюючі пропозиції . (TASR, Pkf)
-
Назад / Nazad США спріснили безвізовый стык про Мадярів
-
Далше / Dalše Противоздушна україньска оборона в ночі наd Києвом зазначіла і зліквідовалa скоро 15 воздушных цілів