Здружіня міст і сел Словакії  (ZMOS) посылать 15 селам на выході Словакії постигнутых землетрасіньом фінанчну поміч у вышці 20.650 евр. Фінанції суть спрямуваны до сел в окресох Вранов над Топльов, Гуменне і Стропків на рішіня наслідків землетрасіня. Пресаґентуру TASR о тім інформувала Зузана Шпачкова зо ZMOS. О перерозділіню вызбераной сумы про постигнуты села в Пряшівскім краю вырішыло Председницьтво  ZMOS кінцьом новембра. Як сконштатував председа ZMOS Йозеф Божік, же правда, неіде о велику суму, але про села, котры мають коло 260 обывателів, суть даны фінанції такыма, котры їм можуть насправды помочі. До Гуменьского окресу є спрямованых 7856 евр, і то про села Вітязовце, Кошаровце, Ніжна Сітніця, Янківці, Вышня Сітніця і Черніна. До Врановского окресу піде 7888 евр, конкретні до сел Дяпалівці, Голчіковце, Рафайовце і Ґіровце. До окресів Стропків путує 4906 евр, і то до сел Токаїл, Колбівці, Ніжна Ольшава і Мразовце. (TASR, Pkf)