Выстава під назвов Прісно і ныні – теперь і навікы є в деревянім Ґрекокатолицькім храмі Вознесенія Господа в Шмыґовці, котрый належыть меджі Народны културны памяткы Словакії. Выстава є iншталаціов вытварного концепту Miлaнa Шпака. Концепт є іншпірованый автентічным eкстерьєром церькви і выходжать з посланя бізантьскых ікон.  Aвтор го реалізовав на автентічных храмовых дочках з кінця 18-го столітя, котры были по реконштрукції храму вылучены. Візуално вытворив помыселный десіс святых, котры суть неодділнов частьов храму. Діла доповнюють хыблячій іконостас. Так ся храмовы дочкы вернули на своє попереднє місце. Iншталація мальбы в храмі є приступна про навщівників до кінця 2017-го року. Головным орґанізатором події є Містьскый културно-освітній центер у Снині. Співорґанізатором Карпатьскы деревяны церькви. Подія ся одбывать в рамках Днів европской културной дідовизны 2017.
(Петро Кімак-Фейко)