Меджілавірьска самосправа має інтерес здобыти турістічный влак в рамках сполочного проєкту з польскым Коросном. Меджілабірці і Коросно подали довєдна проєкт черезгранічной співпраці кінцьом апріля. Головнов актівностьов з того проєкту має быти про Меджілабірці накуп турістічного влаку про 40 особ, котрый буде стояти коло Музею модерного уменя Енді Варгола. Влак бы мав їздити по близкій околіці. В плані є наприклад Монастырь в Краснім Броді, скулптура князя Лабірця, ці перше освободжене село в бывшій Чехословакії – Калинів. В рамках проєкту бы ся мали купити і електорнічны табулі з одходами влаків і автобусів на великій і малій желізнічній штації ці выбудованя трьох новых автобусовых заставок. Проєкты ся будуть схвальовати в новембрі, реалізація є напланована на слідуючій рік.
(TASR)