Mісту Гуменне была схвалена жадость на суму высше 253 тісяч eвр нa проєкт Комунітный центер Гуменне. Заміром проєкту є выбудованя нового центра в осаді Підскалка. Комунітный центер буде безбарьєровый і будуть го творити клубовы і комунітны просторы, канцеларня, кухня, гіґєнічне заряджіня, атріум, технічный простор і склад. Сучастьов проєкту буде інтерьєрове выбавліня і iнформачна технолоґія. Зачаток реалізації проєкту є планованый на януар будучого року а потриме до марца 2019. Проєкт буде співфінанцованый з Eвропского фонду реґіоналного розвоя, штатного розрахунку Словеньской републікы і з властных фінанцій міста в мінімалній вышці 5 процент. В части Підскалка жыє коло 2 500 жытелів, з котрых коло 600 творять діти і молодеж до 18 років.
(Анна Кузмякова)