Ґрекокатолицька харіта (GKCH Prešov) Пряшів зачала реалізувати  в Пряшові проєкт з назвом Глиняный дукат. Іде о сімболічный способ плачіня, через котрый може публіка помочі людям без домова, котры старають ся переконати свою сітуацію і знова ся залучіти до сполочности. Зачатком тыждня дали до ходу автомат на дукаты при главнім втупі до Центра  GKCH на Главній улиці. Публіка собі може купити дукат за єдно евро. Обдарованы можуть  за нього здобыти  їдло або службы в деннім центрі Дому св. Яна Мілостівого на улиці під Табором. Як інформував діректор GKCH Prešov Петер Валічек, же публіка ся може залучіти до даного проєкту нелем купліньом і дарованям дукату, але і матерялныма дарами в подобі облечіня ці потравин, котры собі  люди без домова можуть за дукат вымінити. (TASR, Pkf)