Поліція рішыть грозіня старостові Ладоміровой в Пряшівськім краю, котре му мало прийти по інформації о так званім ничіню цінтеря російскых вояків в селі. Пряшівська крайска поліція о тім інформувала на соціалній сіті.  Окресный діректоріят Поліцайного збору у Свіднику окрім того перевірює і так зване пошкоджіня гробів вояків павшых в  1-ій світовій войні на цінтерї в Ладоміровій. Поліція передтым попередила на інформації о зничіню  цінтеря вояків Російской царьской армады, котре шырить російска амбасада на Словакії. Означіла їх за гоакс, тверджіня як неправдиве одмітнув і староста. Ґенералный прокуратор Марош Жілінка авізував, же засяг до гробовых місць перевірить.   (TASR, Pkf)