Як інормовав Інштітут русиньского языка і културы Пряшівской універзіты в Пряшові, быв продовженый термін на подаваня приглашок на штудіум проґраму Учітельство русиньского языка і літературы в комбінації з іншым предметом в бакаларьскім і маґістерьскім ступні. Приглашкы мож подавати до кінця апріля. Штудовати русиністіку на єдиній універзіті на Словакії, котра має тот штудійный проґрам, мож в комбінації з проґрамами на далшых факултах і інштітутах універзіты. Єдночасно до кінця мая мож подавати приглашкы і на докторандьске штудіум в проґрамі Славістіка – Русиньскый язык і література. Веце інформацій можете найти на інтернетовім сайті русиньского інштітуту.

(Медвідь)