Капаціты карантенных заряджінь, котры вычленив Пряшівскый самосправный край (ПСК) про штатом наряджену репатріацію, суть наповнены. В штирёх школьскых інтернатох є 330 навернувшых із заграніча. TASR о тім інформовала говоркыня ПСК Даша Єленёва. ПСК окрем уквартелёваня забезпечів про репатріантів гіґіенічны балічкы, дезінфекцію просторів, службы упрятованя і реґуларну страву. Помагав і зо забезпечованём хыбаючіх охранных средств про обслужный персонал. В ізолації будуть навернувшы мінімално шість днїв, потім будуть тестованы на притомность захворіня COVID- 19. Кедь будуть взоркы неґатівны, підуть до домашнёй карантены, кедь будуть позітівны, остануть надале в карантеннім заряджіню або ся вырїшить подля  їх здравотного ставу.

(TASR, Шутіова)