Словацькы католицькы єпіскопи вызывають людей, жебы ся дали защіпити. Написали то у своїм выголошіню замірянім на підпору вакцінації, інформує аґентура TASR. Єпіскопи пишуть, же слідують роснучі чісла інфікованых і вмераючіх на хвороту COVID-19, і єдночасно роснуче чісло вычерьпаных лікарів і здравотників, з чого грозить безпосередный копапс шпыталів. Католицька єрархія є пересвідчена, же якраз вакцінація є велика поміч про заставліня пандемії і про уратованя тісячів жывотів. Подля єпіскопів вакцінаційов хорониме нелем себе, але і другых, а припомюнули слова Папы Франціска, же защіпити ся є проявом любви односно ближного.

(Медвідь, TASR)